Ինչպես ասում են՝ ով տիրապետում է ինֆորմացիային, նա տիրապետում է աշխարհը: Այս աքսիոմը կիրառելի է նաև բիզնես հիմնելիս և նախապայման է հաջողության հասնելու համար:Ինչի՞ մասին պետք է իմանալ արտադրություն սկսելիս կամ ընդլայնելիս

Բիզնեսի հաջողության համար նախ հստակ ձևակերպեք նպատակը՝ ինչու՞ եք արտադրում տվյալ ապրանքը, ապա վերլուծեք մի քանի հիմնական ուղղություններ.

1. շուկայի «վիճակը», այդ թվում՝ ներկա վիճակը, կառուցվածքը, միտումները, նոր արտադրանքի նկատմամբ ընկալումը
2. շուկայի մասնակիցները, այդ ընկերությունների ներկա վիճակն ու զարգացման հնարավորությունները
3. պոտենցիալ սպառողը՝ թիրախը, նրանց վարքագիծը և պահանջարկը
4. գները և եկամտաբերությունը
5. մրցակիցները
6. դիրքը շուկայում

Սկսում ենք հիմնական տեղեկատվության հավաքագրումից և պահանջարկի որոշումից 

Պահանջարկի ընդհանուր մեծությունն այն ապրանքների քանակն է, որը սպառողները ձեռք են բերում որոշակի ժամանակահատվածում` սովորաբար մեկ տարում: Այն որոշում ենք՝ բազմապատկելով թիրախային հաճախորդների քանակը և  որոշակի ժամանակահատվածում արտադրանքի սպառման հաճախականությունը: Եվ այս պարզ գործողությունը մեզ թույլ է տալիս հասկանալ, թե ինչպիսին կլինի արտադրանքի իրացման առավելագույն մակարդակը կոնկրետ տարածքում:

Իրացման ծավալի փոփոխությունների մասին տվյալները ևս կարևոր են

Եթե ցանկանում եք ավելի հստակ պատկեր ստանալ, ապա կարող եք վերլուծել վերջին մի քանի տարիներին իրացման տվյալները: Սա, ի դեպ, թույլ կտա նաև պատկերացում կազմել դինամիկայի մասին՝ աճել, թե՞ նվազել է սպառումը, ինչպես նաև կօգնի պատկերացում կազմել հաճախորդների վարքագծի մասին՝ ինչպե՞ս են ընտրում և պատրա՞ստ են փոխել արտադրողին, ի՞նչ նախապատվություններ ունեն:

Բաց աղբյուրները՝ Ձեզ օգնական

Եթե խոշոր արտադրողները կարող են պատվիրել շուկայի վերլուծություն՝ ծախսելով մեծ գումարներ, ապա փոքր և  միջին արտադրողի համար դա խնդիր է:

Օգտվեք բաց աղբյուրներից. տարբեր շուկաների ու շուկաներում միտումների մասին հետազոտություններ, հարցումներ, վերլուծություններ կարող եք գտնել համացանցում ու մասնագիտական գրականության մեջ: 

Շարունակելի..