Տեխնոլոգիաներն օրեցօր փոփոխում են մեր կյանքը՝ օգնելով պլանավորել օրվա առաջնահերթությունները, առօրյան դարձնել ավելի հարմարավետ ու օգնել խնայել ժամանակ: 

Ֆինանսական ոլորտում պարբերաբար ստեղծվում են նոր հնարավորություններ բանկային գործարքներն ավելի հասանելի ու պարզ դարձնելու նպատակով:

Մենք ևս փորձում ենք քայլել ժամանակին համընթաց և հաճախորդներին տրամադրել լավագույն ֆինանսական փորձառություն:

Ներկայացնում ենք UBPay վճարային համակարգը՝ պարզ, արագ, հուսալի լուծում Ձեր դրամական փոխանցումների համար:

Ի՞նչ է UBPay-ը

UBPay-ը ժամանակակից վճարային համակարգ է, որը մշակվել է դրամական փոխանցումների գործընթացը հնարավորինս հեշտացնելու համար:
Այս համակարգով կարող եք գումար փոխանցել, ինչպես նաև արտերկրից և ՀՀ տարածքից ստանալ դրամական փոխանցումներ անմիջապես Ձեր բանկային հաշվին և դրանք կառավարել Converse Mobile հավելվածով:

Ինչպե՞ս է գործում UBPay-ը

UBPay համակարգի միջոցով փոխանցումներ ստանալու գործընթացը շատ պարզ է.

մուտք գործեք Converse Mobile, այնուհետ՝ «Գործարքներ», որից հետո «Արագ փոխանցում UBPay» և լրացրեք համապատասխան դաշտերը.

1. Մուտքագրեք փոխանցման կոդը

2. Նշեք Ձեզ փոխանցված գումարի չափը և արժույթը

3. Ընտրեք հաշիվը, որին ցանկանում եք մուտքագրել գումարը (կարող եք ընտրել փոխանցած գումարի արժույթից տարբերվող արժույթով հաշիվ։ Այս դեպքում կկատարվի արտարժույթի փոխանակում Բանկի փոխարժեքներով, և գումարը կփոխանցվի Ձեր նշած հաշվին)

4. Գումարը կփոխանցվի Ձեր հաշվին
 

UBPay-ի արտոնությունները

UBPay համակարգ առանձնանում է հետևյալ առավելություններով.

• Արագություն․ Փոխանցումները կատարվում են հնարավորինս սեղմ ժամկետում՝ խնայելով Ձեր ժամանակը:
• Հասանելիություն․ Converse Mobile-ով արագ դրամական փոխանցումների ստացումն այժմ դարձել է ավելի հարմար և հեշտ:
• Պարզություն․ Փոխանցումներ կատարելու գործընթացը պարզ է նույնիսկ առաջին անգամ օգտվողների համար:
• Անվտանգություն․ Ձեր բանկային տվյալները պաշտպանված են, իսկ փոխանցումները՝ գաղտնի:

Առանձնահատկություններ

UBPay-ը հնարավորություն է տալիս իրականացնել փոխանցումներ․

• Հայաստանից դեպի Ռուսաստան՝ RUB-RUB
• Ռուսաստանից դեպի Հայաստան՝ RUB-RUB/RUB-AMD
• ՀՀ տարածքում

Փոխանցումները հասանելի են AMD, RUB, USD, EUR արժույթներով։

Փոխանցումներ կարող եք ստանալ Կիպրոսից, Հունաստանից, Իսրայելից, Ուզբեկստանից, Ղրղզստանից (USD, EUR):

Երկրների ցանկն առաջիկայում կընդլայնվի:

Եթե Converse Mobile օգտատեր չեք, ներբեռնեք հավելվածը և սկսեք օգտվել հավելվածի բոլոր հնարավորություններից:

UBPay-ի միջոցով Ձեր փոխանցումները դառնում են ավելի հարմար, արագ և ապահով, իսկ Converse Mobile-ով նաև առցանց՝ 24/7: